「臭橙～我買咗份禮物送畀你～」
前幾日睇完《復仇者》，今日女朋友神神秘秘咁話，買左一件好Hot 嘅Toy送畀我。
「傻豬嚟，妳喺我心目中已經係最Hot！」我。
當刻我心諗，唔通係Hottoy？！
之前女朋友成日都話貴，又話買完無地方擺！估唔到佢睇完《復仇者》，終於都肯買畀我。
但係Hottoy有咁多款，單計Marvel已經好多英雄，係邊隻呢？
「唔～我想問隻Hottoy係咩型號？」我。
「47！」
我當堂虎軀一震，原來係Ironman Mark 47，即係電影蜘蛛俠入面出現嗰隻！
「嘩正啊！點解妳會咁突然買畀我嘅？」我。
「見你喺屋企悶悶哋，咪買件玩具畀你玩吓囉～」豆姐。
我真係好開心好開心～嗰晚仲發夢都同Ironman傲翔天際。
我問女朋友，會唔會嬲我掛住玩，冷落左佢。
女朋友話：「唔緊要啊，我買返嚟梗係想你每日都玩啦，帶埋去旅行玩都無問題。」
天啊！點解我咁幸福，遇到呢個女朋友！
等待收禮物嘅時間，可以話係我人生最快樂嘅日子！
終於，佢都拎左件禮物返黎畀我。
我拆開嚟一睇…
原來係蒸氣燙斗…
「Hottoy呢？」我問。
「呢件識噴蒸氣㗎，仲唔Hot啊？」豆姐。
「咁妳又話47…？」
「係啊，呢個燙斗型號係NI-FS470啊！」
呢個燙斗可以一機兩用，掛熨又得，平熨亦得。又夠晒輕巧，帶去外國公幹都無難度。
豆姐一邊介紹個燙斗，仲好興奮咁即刻拎件衫畀我，叫我試吓燙…
不過豆姐話：「你每日返工，著衫成個乞衣咁，啲衫皺晒，特登買返黎畀你燙平佢先出街㗎！人靠衣裝嘛！」
唉…雖然收唔到Ironman，但估唔到豆姐都係為我著想。
自從收到呢份禮物之後，我真係每日出門前，都會一手拎住個燙斗，發出Ironman發射激光嘅「蕉～～」聲音，用強力蒸氣燙平衣物上嘅皺摺。
其實望住啲衫燙到貼貼服服，都真係幾治癒吖～燙衫都可以係維護世界和平嘅一種方法啫～
「你睇我幾乖～哈哈，我而家日日都燙衫啊！燙衫真係好好玩啊～」我同豆姐講。
「好玩啊呢～你知我對你幾好啊呢，啱喇，幫我燙埋丫～」女友。
「……」我。
「開唔開心？」
「開心…」
係，我每日都有燙唔完嘅衫，今次真係《無限之戰》…
#Panasonic #掛熨mini #黑色 #black #hottoy #whoareinvited
Whoareinvited
Search